ئەرا سێیەم رووژ لەبانیەک…بەرسرە گەرمترین شارەیل جەهانە وەگەرد شەش شار عراق

وێستگەی پلاسەرڤیل لە ویلایەت کالیفۆرنیای ئەمریکا خشتەی ١٥ ناوچە و شار جەهانی بڵاوکردەوە کە لە ماوەی ٢٤ ساعەت گوزەشتە، بەرزترین پلەی گەرمی لە جەهان توومار کردنە.

لەو خشتە دەرکەفتیە کە ناوچەی "بەسرەت ئەلحوسێن " لە عراق بەرزترین پلەی گەرمی لە جەهان توومار کردیە کە ٥٠ پلەی سیلیزی بویە، لە دوایی ئەویش ناوچەی "عەبادان" لە ئیران وە ٤٩.٨ پلەی سەدی، لە پلەی سێیەمیش شار "فڕۆکەخانەی ناودەوڵەتی کوەیت" لە کوەیت وە 49.8 پلەی سەدی. ئیجا ناوچەی "فڕۆکەخانەی ناودەوڵەتی بەسرە" لە عراق هاتە پلەی چوارەم وە 49.6 پلەی سەدی، هەرلیوا ناوچەی "ئەحواز" لە ئیران لە پلەی پەنجەم  وە 43.3 پلەی سەدی.

وەپەی خشتەگە ، ناوچەی “عمادیه” له ئیران کەفتە پلەی شەشەم وە 49.2 پلەی سیلیزی، و ناوچەی “سافی ئاباد  دیزەفول” له ئیران له پلەی هەفتەم  وە 49.2 پلەی سیلیزی، ئیجا ناوچەی “عەمارە ” لە عراق لە پلەی هەشتەم وە 49 پلە، و شار "فاو" لە عراق لە پلەی نوهەم وە 49 پلەی سەدی، و شار "ناسرییە" لە عراق کەفتە پلەی دەهەم وە 49 پلە پلەی سەدی، لە دویای ئەویش ناوچەی "ئەلئەحسا" لە سعودیە کەفتە پلەی 11هەم وە 48.6 پلەی سەدی، ئیجا ناوچەی "فڕۆکەخانەی ناودەوڵەتی ئەلفەهەد" لە سعودیە لە پلەی 12ی وە  48.5 پلەی سەدی، ناوچەی "تورپان" لە وڵات چین پلەی ١٣ی بویە بەشی وە ٤٨.١ پلەی سەدی، ئیجا "دیوانیە" لە عراق کەفتە پلەی ١٤، وە ٤٨ پلەی سەدی، لە دویای ئەویش شار " سەماوە لە عراق، و شار دیوانیە هاتە دویاترین پلە وە بە 47.8 پلەی سەدی.

ئاژانس شەفەق نیوز خشتەی بەرزترین پلەیل گەرمی لە جەهان بڵاو کەێد: