بەسرە و پەنج شار عراقی هانە ناو گەرمترین ناوچەیل جەهان

 ویستگەی پلاسەرڤیل لە ویلایەت کالیفۆرنیای ئەمریکا خشتەی ١٥ ناوچە و شار جەهانی بڵاو کرد کە لە ماوەی ٢٤ ساعەت گوزەشتە بەرزترین پلەیل گەرمی لە جەهان توومار کردنە.

 لە خشتەگە دەرکەفتیە، ناوچەی "ئەلحوسێن بەسرە" لە عراق بەرزترین پلەی گەرمی لە جەهان توومار کردیە کە 50 پلەی سەدییە، لە دویای ئەویش ناوچەی "فڕۆکەخانەی ناودەوڵەتی بەسرە" لە عراق وە 49.9 پلەی سەدی تیەێد، و لە پلەی سێیەمیش  شار "فڕۆکەخانەی ناودەوڵەتی کوەیت" لە کوەیت وە پلەی گەرمی 49.5 پلەی سەدی، ئیجا ناوچەی "عەبادان" لە ئیران لە پلەی چوارەم  وە پلەی گەرمی 49.4 پلەی سەدی، هەرلیوا ناوچەی "قابس" لە تونس  کەفتە پلەی پەنجەم وە 49.1 پلەی سەدی.

وەگورەی  خشتەگه ، ناوچەی “قەیرەوان” له تونس کەفتە پلەی شەشەم وە 48.9 پلەی سیلیزی، و ناوچەی “ئەلنفیده” له تونس هاتە پلەی هەفتەم وە 48.8 پلەی سیلیزی، ئیجا “الاحسا”. ” لە  سعودیە پلەی هەشتەم هاورد،وە 48.7 پلە، و شار "فڕۆکەخانەی ناودەوڵەتی فەهد" لە سعودیە کەفتە پلەی نوهەم وە 48.6 پلەی سەدی، و ناوچەی "ناسریە" لە عراق پلەی دەهەم کەفتە بەشی وە 48.6 پلەی سەدی، و لە دویای ئەویش ناوچەی "نەجەف" لە عراق لە پلەی ١١ وە 48.5 پلەی سەدی،  ئیجا ناوچەی "فاو" لە عراق لە پلەی 14  وە 48.4 پلەی سەدی، لە دویای ئەویش شار "مۆنستێر سکینز" لە تونس وە 48.3 پلەی سەدی.

 ئاژانس شەفەق نیوز خشتەی گەرمترین شارەیل جەهان بڵاو کەێد: