ئەرا سێیەم رووژ...بەرزەوبۊین نرخ تەڵا لە بازاڕەیل عراق

شەفەق نیوز/ نرخ تەڵای عراقی و  بیگانە لە بازاڕە  ناوخۆیەێلە، ئمڕوو پەنجشەممە ، 13 کانون دۊیەم 2022    بەرزەو بۊی. 

پەیامنێر ئاژانس شەفەق نیوز وت : نرخ فرووشتن یەک مسقال تەڵای عەیار 21 خەلیجی و تورکی و ئەوروپی لە دوکانەیل بڕ فرووشتن جادەی نەهر بەغداد رەسیە 375 هەزار دینار، نرخ سەنینی رەسیە 371 هەزار، نرخ فرووشتن رووژ چوارشەممە  374 هەزار دینار بۊی. 

پەیامنیرمان وتیش: نرخ فرووشتن یەک مسقال تەڵای عراقی بەرزەوبۊین وە خوەی دی لە پای 345 هەزار دینار وە نرخ سەنینی رەسیە 341 هەزار دینار. 

لە باوەت نرخ تەڵا لە دوکانەێل زەرەنگەریل نرخ فروشتن یەک مسقاڵ تەڵای عەیار 21 خەلیجی ها لە ناوەنی 375 هەزار دینار و و380 هەزار دینار، نرخ تەڵای عراقی ها لە ناوەنی 345 هەزار و 350 هەزار دینار.