ئەرا دوویەم رووژ.. عراق داوەزین گەورایگ لە تووشهاتنەیل کۆڕۆنا تۆمار کەێد
2021-05-02T13:26:31+00:00
شەفەق نیوز/ وەزارت تەندروسی وژینگەی عراق، ئمڕوو یەکشەممە، داوەزین گەورایگ لە تووشهاتنەیل ڤایڕۆس کۆڕۆنا ئەرا دوویەم رووژ لە شوون یەک تۆمار کرد.
وەزارەتەگە لە هەڵوێست پەتا و واکسینەگە ک رەسیە ئاژانس شەفەق نیوز وت: تاقێگەیلی ٤٥٦٤ تووشهاتن نوو، و ٣٨ مردن، و ٧٨٥٩ خاسەوبوین تۆمار کردن
وەزارەتەگە نشان دا ک ٦٤٧٥ کەس لەماوەی رووژ یەکشەممە واکسینەگە وەرگردن، و دیاری کرد ک بڕ وەرگرەیل واکسینەگە رەسیە ٣٥٨١٠٤
