ئەرا دوویەم رووژ.. دۆلار لە بەغداد و هەرێم کوردستان داوەزێد

ئەرا دوویەم رووژ..  دۆلار لە بەغداد و هەرێم کوردستان داوەزێد
2021-01-31T07:58:47+00:00

شەفەق نیوز/ ئمڕوو یەکشەممە ٣١ کانون دوویەم ٢٠٢١ ، نرخ دۆلار لە بۆڕسەی سەرەکی لە بەغداد و هەرێم کوردستان داوەزیا.

پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٤٧٥٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە ١٤٤٧٠٠ دینار وەرانوەر ١٠٠ دۆلار تۆمار کرد.

دوێەکە شەممە، نرخ دۆلار لە بۆڕسەی کیفاح رەسیە ١٤٤٩٠٠ دینار وەرانوەر ١٠٠ دۆلار ئەمریکی.

پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد داوەزیا ک نرخ فرووشتن رەسیە ١٤٥٥٠٠ دینار عراقی، ونرخ سەنین رەسیە ١٤٤٠٠٠ دینار وەرانوەر ١٠٠دۆلار ئەمریکی.

لە هەولێر پایتەخت هەرێم کوردستان نرخ دۆلار هەمیش داوەزین وەخوەی دی ک نرخ فرووشتن رەسیە ١٤٥١٠٠ دینار وەرانوەر ١٠٠ دۆلار، و سەنین بویە ١٤٥٠٠٠ دینار وەرانوەر ١٠٠ دۆلار ئەمریکی.

Shafaq Live
Shafaq Live