دوو مرافەی هووزانە وە چەک سووک و ناوڕاس لە باشوور عراق
شەفەق نيوز/ سەرچەوەیگ ئەمنی لە زیقار،ئمڕوو شەممە، خەوەردا لە زەخمداری کەسیگ خەڵک پارێزگای بەسرە لەوەر مرافەیگ هووزانە ناوبەین دوو پارێزگاگە، لەوەختیگ هێزە ئەمنییەیلە مرافەیگ تر لە باکوور زیقار کپەو کردن.
سەرچەوەگە ئەرا ئاژانس شەفەق نیوز وت: مرافەیگ هووزانە، ئمڕوو، لەناوبەین هووزەیل سواعید و بەتڕان لە قەزای چوارشەممە قومیا، و دیاری کرد ک چەک سووک و ناوڕاس لە مرافەگە وەکار هاوریا لە نزیک ناوچەیگ سنووری ناوبەین پارێزگای بەسرە لەوەر کرفتەیل وەرین ناوبەین هەردوگ لایەنەگە بۊی.
سەرچەوەگە وتیش؛ مرافەگە بۊیە هووکار زەخمداری کەسیگ لە پارێزگای بەسرە لەو مەوقە نزیک شۆنەگە بۊی.
لە قەزای شەترە، مرافەیگ تر هووزانە کەفتە ناوبەین هووزەیل هیلالیین و عزیمیین لە پشت ناکۆکیەیل وەرینی أن.
سەرچەوەگە دیاری کرد ک وەگەرد قومیان مرافەگە هێزیگ ئەمنی کۆنیڕۆڵی کرد، و ریکارەیل یاسایی وەرانوەر هەردوگ لایەنەگە برد.
