دوو زەخمدار لە دژەتیرۆر یەکیگیان ئەفسەرە لە رویوەرویبوین داعش لە ئەنبار

شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا لە زەخمداری دوو ئەندام لە هیزەیل دژەتیرۆر لە رویوەرویبوین وەرد ریخریاگ داعش لەناو دیوەخانیگ لەباکوور قەزای راوە لە پارێزگای ئەنبار.

سەرچەوەگە ئەرا ئاژانس شەفەق نیوز وت: مەوقەی جیوەجیکردن ئۆپراسیۆنیگ لە بیاوان جەزیرە باکوور راوە لەلایەن فیرقەی هەفتم سوپای عراق، یەکیگ لە تیرۆریستەیل نزیک دیوەخانەگە دەسگیر کریا، ک یە دوو مانگە دەور ئەو دیوەخانە لەلایەن سوپا گریاگە، و مەوقەی لێکوڵینەوە وەگەردی ئی زانیاریەیلە کەفتنە دەس:- تیرۆریستەگە: سەعەد محمد حسێن دانیشتگ گەڕەک ئینتیسارە لە پارێزگای نەینەوا.

وتیش: ١٠ تیرۆریست هانە ناو دیوەخانەگە، تا هیزیگ لە فیرقەی ٧ چیە ناو و تەقە لەلیان کردن، و ئیجا دژەتیرۆر چیە ناو دیوەخانەگە و ئەفسەر و ئەندامیگ لە دژەتیرۆر زەخمدار بوین.

بەیاننامەگە وتیش: خوەراک ئەو تیرۆریستەیلە نەمەنیە تەنیا نژی و برنج گەن دیرن، و چوار کلاشینکۆف و دوو M16، و یەک RBG7 و چوار مووشەک دیرن.