وەزیر کشتوکاڵی داعش کەفێدە دەس هەواڵگری عراقی

شەفەق نیوز/ وەڕیەوبەرایەتی هەواڵگری سەربازی سەروە وەزارەت وەرگری عراقی،  ئمڕوو چوارشەممە،  خەوەردا لە دەسگیرکردن وەزیر کشتوکاڵی لەلای ریخریاگ داعش،  ئەوەیش لە شار رومادی ناوەند پارێزگای ئەنبار.  

وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت: وە ئۆپراسیۆنیگ ناکاوی وەشیوەی ووردیگ و چەودیریکردن وەردەوام وە کوڵەگردن توکمەیگ لەلایەن بەش هەواڵگری سەربازی لە فیرقەی دەهەم یەکیگ لە مەفرەزەیلی تۊێەنست یەکیگ لە تیرۆرستە گرنگەیە لە ناوچەی بو فەراج لە رەمادی بگرێد. 

بەیاننامەگە دیاری کرد ک ئی تیرۆرستە لە پۆست وەزیر کشتوکاڵی بۊی لە ریخریاگ داعش،  و لە مەوقەی جەنگەی رزگارکردن وای، و دۊیایی گلەو خوارد، تا لەیرا بکەفێدە دەس پیاوەیل هەواڵگری سەبازی.