دوو رویداو ئەمنی لە نەجەف یەکیگیان تەقەلای خوەیکوشتن گەنجیگ بیس ساڵانە
2023-10-02T08:03:50+00:00
شەفەق نیوز/ سەرچەوەیگ ئەمنی لە نەجەف، ئمڕوو دووشەممە، خەوەردا لە توومارکردن دوو رویداو ئەمنی لە پارێزگاگە یەکیگیان حالەت خوەیکوشتن گەنجیگ بیس ساڵانە.
سەرچەوەگە وە ئاژانس شەفەق نیوز خەوەردا، " کەسەیل نەناسریایگ پەلامار ماڵ هاوڵاتیگ لە ناوچەی میلاد لەناوڕاس شار نەجەف دانە لەری بۆمبیگ دەسی، لەوەر گیچەڵیگ کە لە زویەو هالەناوەین هەردگ لا، پەلامارەگە زەرەد مادی رەسانیە وە روی ماڵەگە تاوانبارەیل ئەرا شوینیگ نادیار واینە".
سەرچەوەگە وتیش، " گەنجیگ بیس ساڵان تەقەلای خوەیکوشتن دایە لەڕی هەڵواسین خوەی وە پەت لەناو ماڵ خوەیان لە کویچەی نەدا لەناوڕاس نەجەف، هوکار و پاڵنەڕەیل خوەیکوشتنەگەی نەزانیاگە، لێکۆڵینەوە لە رویداوەگە وازکریاس".
