دوو چەکدار پەلامار ئەفسەر گەپیگ دەن براگەی و مەدەنییگ زەخمدار کەن لە کەرکوک
2024-03-06T13:20:32+00:00
شەفەق نیوز/ سەرچەوەیگ ئەمنی لە کەرکوک، ئمڕوو چوارشەممە، خەوەردا لە قورتارکردن ئەفەر گەپیگ لە پۆلیس پارێزگاگە لە تەقەلایگ ئەرا تیرۆر کردنی.
سەرچەوەگە وە ئاژانس شەفەق نیوز وت، "ئەفسەریگ وە پلەی عەقید لە پۆلیس کەرکوک دویەشەو سێشەممە وەبان چوارشەممە لە تەقەلایگ تیرۆرکردنی قورتاریبوی، دوو کەس نەناسریاگ وەبان ماتۆرسکیل وە تەقەکردن پەلاماریدانە لە ناوچەی قادسیە لە کەرکوک".
سەرچەوەگە وتیش، "چەکداریل لەدویای ئەوەگ سەرکەفتی نەوین کەلەمەدار ئەفسەرەگە بکەن وەرەو ناوچەی رووناکی چگنە لە نزیک کۆمەڵگەی دادنویس کەرکوک و تەقە لە برای ئەفسەرەگە کردنە و زەخمداری کردنە وەگەرد مەدەنیگ کە وەگەردی بویە"دیارکرد "ئەرا چارەسەرکردن کلکریانەس ئەرا خەسخانەی فێرکاری ئازادی".
سەرچەوەگە دووپاتکرد "لێکڵینەوە لە رویداوەگە وازریاس و وەسف ئەو دوو چەکدارە بڵاوکریاس ئەرا دەسگیرکردنیان".
