دوو تەقینەوە لەبان کاروانیگ ئەمریکی لە باشوور عراق
2021-04-27T08:27:50+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە تەقینەوەی دوو بومب دانریاگ لەبان کاروانیگ سەروە هێزەیل ئەمریکا لە خوەرئاوای شار ناسریە.
سەرچەوەگە ئەرا ئاژانس شەفەق نیوز وت: دوو بومب دروسکریاگ تەقینە بان کاراوانیگ سەروە هێزەیل ئەمریکا لەبان ری ناودەوڵەتی زوینە لە خوەرئاوای زیقار لە نزیک پوڵ ئەمریکی، و ئاماژە کرد ک تەقینەوەگە وە کۆنتڕۆڵ لە دویرەو کریاگە، و ٣٠٠ مەتر هالە ناوبەین دوو تەقینەوەگە.
سەرچەوەگە وتیش؛ دوو تەقینەوەگە بوینە هووکار زەرەدەیلیگ دارایی لەیەکیگ لە ترێلەیل (مارسیدس) سەروە کۆمپانیاگە، ئامێرەیل سەربازی بار کردوێد.
