دوو پارێزگای عراق دەوام فەرمی سوو چوارشەممە کردە پشوو
2024-01-02T11:53:00+00:00
شەفەق نیوز/ هەردوگ پارێزگای موسەنا و واست، ئمڕوو سێشەممە، بڕیاردان دەوام فەرمی فەرمانگەیل حکومەت ئەرا سوو چوارشەممە، بکەنە پشوو وەبوونەی یاد پەلاماردان فرۆکەخانەی بەغدا، کە کۆتایی وە ژیان ئەبو مەهدی موهندیس و قاسم سولەیمانی هاورد.
نوسینگەی راگەیان حکومەت موسەنا لە بەیاناامەی کوڵیگ رەسیە ئاژانس شەفەق نیوز وت، "پارێزگای ئەحمەد مونفی جەودە، بڕیاردا دەوام فەرمی لە فەرمانگەیل پارێزگاگە ئەرا سوو چوارشەممە، بکەێدە پشوو وەبوونەی ساڵیاد شەهیدبوین سەرکردەیل نەسڕ".
لەلایگیش پارێزگار واست محەمەد جەمیل میاحی لە بەیاناامەیگ وت، "وەبوونەی ساڵیاد شەهیدبوین سەرکردەیل پاڵەوان بڕیارە دەوام فەرمی سوو چوارشەممە بکرێدە پشوو لە گشت فەرمانگەی حکومی، بیجگە لە فەرمانگەیل خزمەتگوزاری و بانکەیلە".
