دو ژن لە بەغدا ئاگر خوەیان دەن و یەکیگیان گیان لەدەسدەێد
2022-02-14T13:39:02+00:00
شەفەق نیوز/ سەرچەوەیگ ئەمنی، ئمڕوو دوشەممە، خەوەردا ک دوو ژن ئاگر خوەیان دانە، و بۊیەسە هووکار مردن یەکیگیان و ئەوەکەیتر تۊش سوزمان سەختیگ بۊە لە بەغدای پایتەخت.
سەرچەوەگە ئەرا ئاژانس شەفەق نیوز وت، " ژنیگ لە داڵگبۊی 1977 خوەی کوشتیە وە ئاگر داین خوەی و ماددەی بەنزین وەکارهاوردیە لەناو ماڵەگەی لەناوچەی مەشتەل.
وتیش، ژنەگە گیان لە دەسدایە وەگورەی زانیارەیل سەرەتایی هووکار خوەیکوشتنەگەی چوودەو ئەرا گرفتەیلیگ خیزانی و ماددی.
لە رووداویگتر لەهەمان شیوە سەرچەوەگە وت، ژنیگ تر لە داڵگبۊی 1977 تەقەلای خوەیکوشتن دایە وە ئاگرداین خوەی لەناو ماڵەگەی لە ناوچەی بەلەدیات. ئاشکەرا کرد، ژنەگە تۊش سوزانن سەختیگ بۊیە لەئەنجام ئاگرەگە.
