دویای مردن وەڕیەوبەر پولیس خانەقین.. دیار شەوکەت دووارە هاتە شوینەگەی
2023-06-13T10:45:05+00:00
شەفەق نیوز/ سەرچەوەیگ ئەمنی پایەبەرز لە پارێزگای دیالە، ئمڕوو سێشەممە، خەوەردا لە گلەوداین عەمید دیار شەوکەت ئەرا پۆست وەڕیەوبەر پولیس خانەقین، لە پشت وەڕیەوبەر وەرین ک وە رویداویگ هاتوچو گیانی لەدەسدا.
سەرچەوەگە ئەرا ئاژانس شەفەق نیوز وت: فەرمان لە لایەنەیل ئەمنی باڵا عەمید دیار شەوکەت ئەرا پۆستەگەی جویر وەڕیەوبەر پولیس خانەقین گلەو دا، لە پشت عەمید ئیدریس محمد مەولود، ک دویەکە وە رویداویگ هاتوچو لەبان ری قەزای کەلار و شار سلێمانی گیانی لەدەسدا.
وتیش: شەوکەت ئمڕوو وە فەرمی لە وەڕیەوبردن بەشەیل پولیس لە خانەقین و سەعدیە و جەلەولا و قەرەتەپە دەسەوکارەو بوی.
جی باسە ک عەمید دیار شەوکەت لە شوبات ساڵ ٢٠٢٠ بویە وەڕیەوبەر پولیس خانەقین، و لە دویادویای ساڵ ٢٠٢٢ لە پۆستەکەی لاوریا و کەفتە بان فەرمانگەگەی ئەمنیتر.
