دویای دوو هەفتە لە وەدویاچگن... ئاسایش عراقی ساختەکاریگ دەسگیرکەێد زیاتر لە 7 ملیار دینار ساختەکردیە
لە بەیاننامەیگ رەسیە ئاژانس شەفەق نیوز وت، " لە یەکیگ لە ئۆپراسیۆنەیل جویری مەفرەزەیل دەزگای ئەمن نیشتیمانی پارێزگای کەرکوک توەنستن ساختەکار گەپیگ دەسگیر بکەن لە پارێزگاگە کە ئۆپراسیۆنیگ ساختەکاری کردیە ئەرا بڕ زیاتر لە 7 ملیار دینار".
تاوانبارەگە شمارەیگ مۆر و بەڵگەنامە نویسین فەرمی ساختەکردیە وە هاوکاری وەگەرد فەرمانبەریگ لە بانکیگ خانوبەرە و پارێزەریگ، توەنستنە ساختەی بڕیارەیل دادوەر و بەڵگەیل دەرکریاگ لە توومار خانووبەرە بکەن و ئەرا دەێشت عراق کلی بکەن ئەرا کیشان باڵانس و پویل، وەگەرد ساختەکردن موهر و ئیمزای بڕیگ لە دادوەریل و فەرماندەیل پۆلیس ناوخوەیی و ژمێریاری بڕیگ فرە لە بەڵگەنامە و نویسینەیل فەرمی گرنگ.
وتیش، "ئۆپراسیۆن دڵسگیرکردنەگەی وەپای یاداشتنامەیگ دادگا هات لەدویای ئەوە مەفرەزەیلمان هەڵسیان وە وەدویاچگن و چەودێریکردن توومەتبارەگە ماوەی دوو هەفتە دانان کوڵەی قایمیگ دەسگیرکریا، درێدە دەس لایەن دادوەری تا رێکارەیل پێویست بگیرێد.
