دویای توومەتەیل سووکایەتیکردن و پەلامارداین بارەگایل حزب دەعوە.. هوشداری لە مالکی ئەرا رەوت سەدر
مالکی لە بەیاننامەیگ رەسیە ئاژانس شەفەق نیوز لەباوەت "توومەتەیل سووکایەتیکردن" وە ئایەتوڵلا محمد سادق سەدر، و ئەو "پەلامارەیلە" کە دویەکە بارەگای حزب دەعوەی ئیسلامی کردنە ئامانج، راگەیان: "ئەڵاجەویە لە بڕیگ لە برایل لە رەوت سەدری، وەتایبەتی بەشیگ لە سەرکردەیییان بژنەفیمن، کە بوخت وە حزب دەعوەی ئیسلامی و هاوپەیمان دەوڵەت یاسا کەن گوایە سووکایەتی وە سەید محمد سادق سەدر کەن، هەرچەن حزبەگە و ئەمیندار گشتیی لە ئیدانەکردن و ڕەتکردن گشت ئەو کارەیلە لەبان دوو شەهید سەدر و گشت مەرجعە گەورەیل داشتنە.
مالیکی وتیش: "بایەسە بڕیگ پرسیار بکەیمن و بویشیمن کی لەپشت رەوت شەهید سەدر لە دەیشت و ناو عراق وسیاس؟ و کی پاڵپشتی رەوت برایەتی لە رەوت سەدر کرد لە دویای شەهیدبوین سەدر لە سوریا و ئیران؟"
سەرۆک هاوپەیمان دەوڵەت یاسا وتیش: "بوختکردن وە حزب دەعوە و بانگخوازەیل وە سوکایەتیکردن وە شەهید سەدر و ئەو پەلامارەیلە دویەکە لەدویای ئەوە لەبان بارەگایل حزب دەعوە، کاریگە ک دڵ دوژمنەیل عراق و دڵ لایەنگرەیل سەدر هوونکەو کەێد، و ئی کارەیلە لە بەرژەوەنی خەڵک عراق و یەک مەزهەبەگە نیبە”.
