دايۆی کۆری کەفێدە وەر سکاڵای ٨٠٠ کارمەن عراقی لەوەر مووچەیل کەمیان
شەفەق نیوز/وەڕێۆبەرایەتی خۆجێی لە قەزای فاو لە پارێزگای بەسرە، ئمڕوو دووشەممە، ئاشکرا کرد لە جیاوازی گەورەیگ لەناونی ئەو مووچەیلە ک کۆمپانیای دایۆی کۆری دەێدەی بیگانەیل وەرانەوەر ئەوەگ دەێدەی عراقییەیلە.
وەلید شرێفی قایمقام فاو ئەرا ئاژانس شەفەق نیوز وت: ئەو مووچەیلە ک کۆمپانیای دایۆی کۆری خاوەن کارەگە لە بەندەر گەورەی فاو دەێدەی کارمەنە عراقیەیلە نەگونجیاگە وەگەرد ئەوەگ دەێدەی کارمەنە بیگانەکان لەلای، و دووپات کرد ک جیوازی گەورایگ لەناونی هەردوگ مووچەیل هەس.
شرێفی دووپات کرد ک دەسوەردانیگ لەلایەن نووسینگەی کارخستن بەسرە و چەن کۆمپانیایگ حکومەتی لە بەندەرەیل ئەرا پەیاکردن چارەیگ ئەرا ئی گرفتە هەس.
وتیش؛ کارمەنە عراقیەیلە لە کۆمپانیا دایۆی کۆری رەسنە ٨٠٠ کارمەن عراقی، و شایەت ئەگەر مووچەیلیان زیایەو نەکریەێد کۆمپانیاگە بکەفێدە وەر تۆمارکردن ٨٠٠ سکاڵای دادوەری لە بنەمای یاسای کارکردن لە دوای کار لە بەسرە.
