داوەزین نرخ تەڵا لە بەغدا و بەرزەوبوینی لە هەولێر

شەفەق نیوز/ نرخ تەڵای عراقی و  بیگانە، ئمڕوو پەنجشەممە، لە بازاڕە ناوخۆیەیلەی بەغدا  داوەزی و لە هەرێم کوردستان بەرزەوبوین  وە خوەی دی.

پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت، رەسیە 333 هەزار دینار، ونرخ سەنینی رەسیە 329 هەزار.

پەیامنیرمان وتیش: نرخ فروشتن یەک مسقال تەڵای عراقی داوەزین وە خوەی دی لە پای 303 هەزار دینار وە نرخ سەنینی رەسیە  299 هەزار دینار.

لە باوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای عەیار 21 خەلیجی ها لە ناوەنی 335  هەزار دینار و 345 هەزار دینار، نرخ تەڵای عراقی ها لە ناوەنی 300 هەزار و 315 هەزار دینار.

باوجی لەباوەت نرخ تەڵا لە بازارەیل هەولێر بەرزەوبوین وە خوەی نرخ مسقالیگ تەڵای عەیار 21 رەسیە 350 هەزار.