داوەزین کەمیگ نرخ تەڵا لە بازاڕەیل بەغدا و جیگیربوینی لە هەولێر

شەفەق نیوز/ نرخ تەڵای بیگانە و عراقی ، ئمڕوو دووشەممە (21 تەشرین دویەم 2022)، لە بازارەیل ناوخوەیی بەغدای پایتەخت داوەزی و لە هەولێر جیگیربوی.

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 358 هەزار دینار، و نرخ سەنینی رەسیە 354 هەزار دینار،  دویکە یەکشەممە 360 بوی.

پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی هەمیش داوەزین توومار کرد لەپای 328 هەزار دینار، و نرخ سەنینی 324 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 هالە ناونی 360 هەزار دینار و 370 هەزار دینار، و نرخ فرووشتن یەک مسقاڵ تەڵای عراقی ها ناونی 330 هەزار دینار و 320 هەزار دینار.

لە هەولێریش نرخ تەڵا جیگیربوین توومارکرد ک نرخ فروشتن وەپای سەندیکای زەڕەنگەرەیل  رەسیە، نرخ یەک مسقاڵ لە تەڵای عەیار 24 رەسیە 420 هەزار دینار، 370 هەزار ئەرا یەک مسقاڵ تەڵای عەیار  21،  و نرخ فروشتن یەک مسقال تەڵای عەیار 18 رەسیە 315.