داوەزین کەمیگ لە نرخەیل دۆلار لە بەغداد و کوردستان
شەفەق نیوز/ ئمڕوو دووشەممە ٢٥ کانون دوویەم ٢٠٢١ ، نرخ دۆلار لە بۆڕسەی سەرەکی لە بەغداد و هەرێم کوردستان وەشیوەی کەمیگ داوەزیا.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٥٦٠٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە ١٤٥٦٠٠ دینار وەرانوەر ١٠٠ دۆلار تۆمار کرد.
دوێەکە یەکشەممە، نرخ دۆلار لە بۆڕسەی کیفاح رەسیە ١٤٥٦٥٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد ئارام گردن ک نرخ فرووشتن رەسیە ١٤٦٠٠٠ دینار عراقی، ونرخ سەنین رەسیە ١٤٥٠٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ دۆلار هەمیش داوەزین وەخوەی دی ک نرخ فرووشتن رەسیە ١٤٥٧٠٠ دینار وەرانوەر ١٠٠ دۆلار، و سەنین بویە ١٤٥٤٠٠ دینار وەرانوەر ١٠٠ دۆلار ئەمریکی.
