داوەزین کەمیگ لە نرخ دۆلار لە بەغداد و ئارامگردنی لە کوردستان
2021-01-06T07:30:24+00:00
شەفەق نیوز/ ئمڕوو چوارشەممە ٦ کانون دوویەم ٢٠٢١ ، نرخ دۆلار لە بازاڕەگان بەغداد داوەزیا و لەهەرێم کوردستان ئارامگرد.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٣٨٥٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە ١٤٣٨٠٠ دینار وەرانوەر ١٠٠ دۆلار تۆمار کرد.
دوێەکە سێشەممە، نرخ دۆلار لە بۆڕسەی کیفاح رەسیە ١٤٣٩٠٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد ئارامگرد ک نرخ فرووشتن رەسیە ١٤٥٠٠٠ دینار عراقی، ونرخ سەنین رەسیە ١٤٣٠٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ دۆلار ئارامی وەخوەی دی ک نرخ فرووشتن رەسیە ١٤٤٠٠٠ دینار وەرانوەر ١٠٠ دۆلار، و سەنین بویە ١٤٣٥٠٠ دینار وەرانوەر ١٠٠ دۆلار ئەمریکی.
