داوەزیان پلەی گەرما و بەرزەبوین خوەڵوتووز.. کەشوهەوای عراق تا ناوڕاس هەفتەی ئایندە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو جمعە، لە ناوچەیل ناوڕاس و باکوور رووشنە، و لە ناوچەی باشوور خوەر و گەرمە وەگەرد لەکە ئەوریگ، و وا وەرەو باکوور هوەرئاواس، سووک تا مامناوەند، وەتونی (10-20) کم/ساعەت گورجە جاروبار ئەرا زیاتر لە (30) کم/ساعەت لە ناوچەیل ناوڕاس و باشوور، بوودە مدوو بەرزبوبوین خوەڵوتووز و پلەی گەرمی لە گشت وڵاتەگە کەمیگ لە رووژ وەرجە خوەی نزمترەو بوود.
وتیش: کەشوهەوای رووژ شەممە، لە ناوچەی ناوڕاس و باکوور رووشنە، و لە باشوور خوەر و گەرمە، و خوەڵوتووز بەرزەو بوود، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای رووژ یەکشەممە رووشن و خوەرە، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش؛ کەشوهەوای رووژ دووشەممەی ئایندە، رووشن و خوەرە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ داوەزێد.
