داوەزیان گەرمی و بەرزەبوین خوەڵوتووز.. کەشوهەوای عراق تا کۆتایی هەفتە
وەزارەتەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێشەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور رووشنە تا نیمچە ئەور، و پلەی گەرمی لە ناوچەی ناوڕاس کەمیگ لە رووژ وەرجە خوەی بەرزترەو بوود، و لە ناوچەی باکوور و باشوور نزیک رووژ وەرجە خوەیە.
وتیش؛ رووژ چوارشەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ بەرزەو بوود.
دەسەگە وتیش: رووژ پەنجشەممە، لە گشت ناوچەیل وڵاتەگە خوەر و رووشنە، و پلەی گەرمی لە بەشەیل ناوڕاس و باشوور کەمیگ داوەزێد، و لە بەش باکوور نزیک رووژ وەرجە خوەیە.
دەسەگە وتیش: کەشوهەوای رووژ جمعەی ئایندە رووشنە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ داوەزێد
