داعش ئەندازیاریگ لەسێدارە دەێد ک وەگەرد نەتەوە یەکگرتووەکان لە عراق کارکەێد

شەفەق نیوز/ سەرچەوەیگ خۆنجیی لە ئەنبار، ئمڕوو پەنجشەممە، خەوەردا ک ریخریاگ داعش یەکیگ لە ئەندازیارەگان وەسێدارە دا، ک لە رێکخراو نەتەوە یەکگرتووەکان کار کەێد، لە دەورگرد قەزای روتبە سەروە پارێزگای ئەنبار.
سەرچەوەگە ئەرا ئاژانس شەفەق نیوز وت: ئەندامەیلیگ لە داعش لە بیسو پەنجەم تەشرین یەکەم گوزەیشتە، ئەندازیار عامر جەدعان فەهداوی رفانن ک لە یەکیگ لە پوڵە زەرەدمەنەگان لە قەزای روتبە وەگەرد نەتەوە یەکگرتووەکان کارکەێد.
وتیش؛ ئەندامەیلیگ لە داعش لە بان ماڵپەڕەیل راگەیاننیان ئاشکرای وەسێدارە دان ئەندازیارەگە کردن، لەوەختیگ ک هیمان هێزە عراقیەگان مینەی تەرم قوربانیەگە کەن.
سەرچەوەگە دیاریکرد ک فەهداوی ئەندازیار وەگەرد هێزە ئەمنیەگان و حەشد هووزانە لە جەنگەیل رزگارکردنەگان وەرجە ٤ ساڵ بەشدار بویە، ک هیشت لەو وەختەو داعش بکەفێدە شوونی.