داعش لە ئەنبار پەلاماریگ ئەنجامدایە… مردن و زەخمداری چوار کەس لە ئەندامەیل ریخریایەگە
2023-12-18T13:06:08+00:00
شەفەق نیوز/ هیزەیل ئەمنی، ئمڕوو دووشەممە، جوەو پەلامارەیل ریخریاگ "داعش" دانە لە خوەرئاوای ئەنبار، و چوار کەس لە ئەندامەیل ریخریایەگە کوشتن و زەخمدارکردن، وەپای سەرچەوەی ئەمنی.
سەرچەوەگە وە ئاژانس شەفەق نیوز خەوەردا، بەشەیل تیپ ریکردن پەنجەم تیرۆرستیگ کوشتنە و سێیانیش زەخمدارکردنە لە ئەندامەیل تیرۆرستی داعش.
سەرچەوەگە دیاریکرد، زانیاری هەواڵگێری هویردیگ رەسیە وەلایەن هەواڵگێری سەربازی کە ئەندامەیل تێرۆرستی داعش تەقەلای رویوەڕویبوینەوە یەکیگ لە خاڵەیگ سەر وە فەوج یەکەم لیوای پیادەی نۆزدەهەم لە تیپ پیادەی پەنجەم دەن لە ناوچەی تلەت ئەرزمە نزیک کارخانەی شیشە لە خوەرئاوای قەزای روتبە لە خوەرئاوای ئەنبار.
سەرچەوەگە وتیش، لە ئەنجام رویوەروی بوینەگە تیرۆرستیگ کوشیایە، سێ کەسیانیش زەخمداربوینە و واینە، تا ئیسە کوڵەوشکین وەردەوامە وەلایەن هیز عراقی.
