چەکدارەیلیگ نەناسریاگ تەقە لە مەفرەزەیل سوپا کەن لە تارمیە

شەفەق نیوز/ لە دویەم رویداو لەی شیوە وەماوەی چەن ساعەتیگ، سەرچەوەیگ ئەمنی، ئمڕوو شەممە، خەوەردا لە زەخمداری دووان لە ئەندامەیل سوپا، وە پەلاماریگ لەبان مەفرەزەیل سوپای عراق لە ناوچەی تارمیە باکوور بەغداد پایتەخت. 

سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ، مەزەنە کریەێد لایەنگر ریخریاگ داعش بوون، پەلاماریگ لەبان مەفرەزەیگ سوپای عراق لە ئاوای مالح لە قەزای تارمیە باکوور بەغداد جیوەجی کردن، وبویە هووکار زەخمداری سێ ئەندام.  

سەرچەوەگە وتیش: هیزە ئەمنیەیلە دوو زەخمدارەگە رەساننە خەسخانەی کازمیە، و دەوربەر ناوچەگە گیریا وەمینەی تاوانکارەیل، ودیاری کرد ک یە دویەم رویداوە لەی شیوە لەبان هیزە ئەمنیەیلە وەماوەی چەن ساعەتیگ.     

ناوچەی تارمیە،  وەرجەیە زەخمداری سەربازیگ وە گولەی قەناسیگ نەناسریاگ لەناو ئاوای سائر وەخوەی دی.