چەکدارەیلیگ دوو کەس کوشن وکەسیکیش زەخمدار کەن لە بەغداد و زیقار
2022-08-20T07:07:12+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا ک چەکدارەیلیگ نەناسریاگ تەقە لە سێ کەس کردن لە ناوچەیلیگ جیاجیا لە بەغداد پایتەخت و پارێزگای زیقار.
سەرچەوەگە ئەرا ئاژانس شەفەق نیوز وت: پاویگ وە گولەی چەکدارەیلیگ نەناسریاگ لەناوچەی بەلەدیات خوەرهەڵات بەغداد کوشیا.
سەرچەوەگە دیاری کرد ک چەکدارەیلیگ تەقە لە ماشینیگ مەدەنی لەناوچەی جسر دیالە لە باشوور خوەرهەڵات بەغداد کردن، ک بویە هووکار زەخمداریبوینی.
لە زیقار، پیاویگ لە تەمەن ٣٩ ساڵان لە وەردەم ماڵەگەی لە قەزای رفاعی کوشیا، هەنای چەکدارەیلیگ نەناسریاگ تەقە لەلی کردن، وتیش؛ هیزە ئەمنیەیلە لێکۆڵینەوە لەو رویداوەیلە واز کردن، و دەسکردنە ئۆپراسیۆن مینەکردن چەکدارەیل.
