دادگای عراقی: لەسێدارەدان و زیندانیکردن تیرۆرستەیل و زیندانی هەمیشەیی ئەرا بازرگانەیل مادەی هووشبەر یەکیگیان بیانیە

راگەیانن ئەنجومەن دادگای باڵا، لە بەیاننامەیگ رەسیە ئاژانس شەفەق نیوز ئاشکەرایکرد، "دووان لە زیندانیەیل ناسنامەی بیانی وەپیانە مادەی کریستال هووشبەر وەپیان گیریایە وەنیاز بازرگانیکردن و فروشتنی بوینە لەناو ئالوودەبویەیل.

وتیش "سزاگان وەپای بڕگەیل مادەی  27/ یەک لە یاسای مادەی هووشبەر و کاریگەری دەروینیەگان شمارە 50 ساڵ 2017 دەرچگە".

لە بەیانیگ جیا، راگەیانن دادگا راگەیان، دادگای تاوانەیل زیقار سزای لە سێدارەداین ئەرا بکوش تیرۆرستیگ دەرکرد وە تاوان تەقانن ماشینیگ بۆمبڕێژ کریاگ نزیک مەزار پەیغەمبەر ئەیوب لە شار حلە.

لە بەیانامەگە وتیش لە تەقینەوەگە 8 کەس کوشیانە و 50 کەسیش زەخمدار بوینە، وەگەرد زەرد رەسان وە دوو ماشین  کە سەر وە دادگای تێهەڵچوونەگان بابل و قادسیە بوینە لەساڵ 2011.

لە سەڵاحەدین، دادگای تاوانەیل پارێزگاگە سزای پەنج ساڵ زیندانیکردن ئەرا یەکیگ لە ئەندامەیل چەتەیل تیرۆرستی داعش دەرکرد.

ناوەن راگەیانن ئەنجومەن دادگای باڵا راگەیان، "تیرۆرستەگە بەشداریکردیە وەگەرد چەتەیل تیرۆرستی لە کوشتن هێزە ئەمنیەگان لەدوای رویداو حوزیران ساڵ 2014 وە هووکار تیرۆرستی و سزانن بنکەی پۆلیس عۆجە".