دادگای عراقی: لە سێدارەداین 6 بازرگان مادەی هووشبەر نیمەیان بیانین
2024-04-14T11:44:25+00:00
شەفەق نیوز/ دادگای تاوانەیل ناوەندی عراق، ئمڕوو یەکشەممە، سزای لە سێدارەداین ئەرا شەش بازرگان مادەی هووشبەر دەرکرد کە سێیانیان خاوەن ناسنامەی بیانین وە تاوان بازرگانیکردن وە مادەی هووشبەر.
ناوەن راگەیانن ئەنجۆمەن دادگای باڵا لە بەیاننامەیگ رەسیە ئاژانس شەفەق نیوز راگەیان، " چوار زیندانی کە لەناویان زیندانیگ بیانی هەس لە تووڕیگ ناودەوڵەتی کارکردنە ئەرا قاچاخکردن مادەی ماریجوانای هووشبەر، و دەسنریایە وەبان 2،800 کیلوگرام کە وەپیان بویە".
وتیش "زیندانیەیلتر ناسنامەی بیانی وەپین بویە 5 کیلوگرام مەدەی ئەفیۆن و مادەیل هووشبەر جیاواز وەپیان گیریایە، و وەرد 5 کیلو گرام مادەی مەسیل ئەمیڤیتامین هووشبەر".
وتیش "ئی بڕگەیلە وە پشت بەسین بڕگە مادەیل 27/اولاًیەکەم لە یاسای مادەی هووشبەر و کاریگەری دەروینیەگان شمارە 50 ساڵ 2017 دەرچگە وە بەڵگە مادەیل هاوبەش 47 و 48 و 49 لە یاسای سزادان".
