دادگا تاوان هاوسەرگیری ناخاڵە خەێدە داوان پەرلەمان
شەفەق نیوز/ ناوەن راگەیانن ئەنجومەن باڵای دادوەر لە عراق ڕوونکردنەوەیگ لەباوەت پەسەنکردن گرێبەس هاوسەرگیری لە دەێشت دادگا بڵاوکرد و باس لەوە کرد ک "تاوانبارکردن هاوسەرگیری ناخاڵەیل" کار پەرلەمانە.
لەبەیاننامەیگ ک رەسیە ئاژانس شەفەق نیوز وت؛ ک (دادگای بار کەسیەتی) ناچارە گرێبەس هاوسەرگیری لە دەێشت دادگا پەسەن بکەێد لەرێ دابینکردن ئەو مەرجەیلە پیشکەش وەدادوەر کریایە و لەوانەیە لە رۊی یاسای خوەی لەو کارە وەدۊر نەگرێد.
وتیش؛ " لە مادەی دەیەم لە یاسای بار کەسیەتی شمارە 188 لە ساڵ 1959 ئاماژە دایە پێویستە گربەس هاوسەرگیری تووماربکریەێد ( توومارکردن هاوسەرگیری لە دەیشت دادگا لەوەردەم پیاو ئاینی) لە دەێشت دادگا، هەر جۊر لە بڕگەی 5 سزای زندانی کردن و وەگەرد غەرامە ئەرا هەرپیاویگ گرێبەسی هاوسەرگیری لە دەێشت دادگا بکەێد.
ودووپاتکرد، لە یاسا سزا دەرکریایە ئەرا هەر پیاویگ ک لە دەێشت دادگا هاوسەرگیری بکەێد، جۊر ئەوەی لە مادەی نۆ /1 لە یاسای بار کەسیەتی دەرچگە ، دیاریکرد وە بی رەزامەنی نزیکەگان یان لەژیر رق و نارەزابۊین هەر لایەنیگ چ دۊیت یان کورە ئەو هاوسەرگیریە پەسەن نەکریایە، دیاریکرد ئەگەر هۊیچ یەک لەوانە نواگر نەبۊین وەگورەی یاسا توانن هاوسەرگیری بکەن.
لە چەن رووژ گوزەشتە میدیا و تووڕە کۆمەڵایەتییەێلە لەباوەت "هاوسەرگیری دەرەوەی دادگا" قسە کردن و داوا لە دادوەر کردن ک گرێبەستەیل دەێشت دادگا تاوانبار بکەن.
لەو بارە بەیاننامەگە باسکرد ک بانگەشەکردن لەێ باوەتە پیشینەی (ئەنجومەنی یاسادانان) جۊر دەسڵات وەپیهاتیە ئەرا دەستەوەرکردن ماددەی یاسایی جیوەجیکریایەیل دەسڵات دادوەری، یان یاسادانان ئەرا پۊچەوکردن ئەو یاسایەیلە ک لایەنی نەرێنی دێرن.
