داڵگیگ لە سەڵاحەدین کوڕ خوەی وە بلۆک کوشێد
2023-05-01T14:16:28+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو دووشەممە، خەوەردا لە کوشیان ئەندامیگ لە مەزارگایگ ئاینی وەدەس داڵگی لە ئەنجام مرافەیگ خیزانی.
سەرچەوەگە ئەرا ئاژانس شەفەق نیوز وت: ئەندامیگ لە عەتەبەی عەسکەری (مەزارگای ئیمام حەسەن عەسکەری و عەلی هادی) وەەس داڵگی کوشیا، دویای ئەوە ک وە بلۆکیگ دادە بان سەری، ئەوەیش لە دەورگرد قەزای سامەڕا.
سەرچەوەگە وتیش: رویداوەگە لە ئەنجام کەرفەیک ناوبەین ئەو ئەندام ئەمنیە وەگەرد داڵگی وە هووکارەیل نادیاریگ، و خیزانەگە خەڵک دەیشت قەزای سامەڕا بوینە، و دیاری کرد ک هیزیگ ئەمنی رەسیە شوین رویداوەگە و ژنەگە دەسگیر کرد، و لێکۆڵینەوە لە رویداوەگە واز کرد.
