١٠٠ دۆلار ئەمریکی لە بۆرسەی بەغداد لە ١٤٨ هەزار دینار رەد کەێد
2022-11-13T10:53:40+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، بەرزەو بوی، تا نرخ ١٠٠ دۆلار لە ١٤٨ هەزار دینار عراقی لە بۆرسەی سەرەکی بەغداد پایتەخت رەد بکەێد.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی، نیمەڕو ئمڕوو، لە بۆرسەی کیفاح و حارسیە لە بەغداد رەسیە ١٤٨٢٠٠ دینار عراقی وەرانوەر ١٠٠ دۆلار ئەمریکی، لە وەختیگ ک شەوەکی ئمڕوو نرخ ١٠٠ دۆلار ئەمریکی رەسیە ١٤٧٧٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو بوی، ک نرخ فرووشتن رەسیە ١٤٨٧٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٧٥٠ دینار عراقی.
