دەسگیرکردن ٤ ژن وە توومەت دزیکردن لە کەرکوک

شەفەق نیوز/ ئاژانس وەزارەت ناوخۆ ئەرا باوەتەیل پۆلیس، ئمڕوو شەممە، دەسگیرکردن چوار ژن وە توومەت دزیکردن لە پارێزگای کەرکوک راگەیان.   

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: زانیارەیلیگ لەباوەت دزیکردن لەناو بازاڕە گشتیەیلە رەسی، و لەبان ئەوە، عەمید کاوە غەریب عەبدولرەحمان فەرمان وە داناین تواناکان ئەرا دەسگیرکردن دزەیلە دا.  

وتیش: بەش دژە تاوان ئازادی وە کوڵەگردن توکمەیگ توەنست چوار ژن دەسگیر بکەێد وە تاوان دزیکردن لەناو بازاڕ حەسیر، ک ئەو قەرەباڵغیە بەدوەکار هاوردنە تا دزی بکەن، و وەگورەی مادەی ٤٤٤ لە یاسای سزادان دەسگیر کریان.