دەسگیرکردن پیاویگ لە بەغداد ژن و دوێەت خوەی سزانیە
شەفەق نیوز/ ئاژانس وەزارت ناوخۆ لە باوەتەیل پۆلیس، ئمڕوو دووشەممە، راگەیان دەسگیرکردن پیاویگ ژن و دوێەت خوەی و سزانن کوشتگە، لە رووداو نادیاریگ ک دویای دووارەکردن لێکۆڵینەوەگە چینە بندروسی.
لە بەیاننامەیگ رەسیە ئاژانس شەفەق نیوز وت » وەڕێۆبەرایەتی دژە تاوان بەغداد، ئاشکرای رووداو نادیاریگ کرد، دویای سزانن ماڵەگە تا تاوانەگە گوما بکریەێد، وتیش؛ لە رووژ هەیشت حوزەیران هەواڵەی باوەت سزانن ماڵیگ لە ناوچەی زەعفەرانیە و سزانن و مردن ژن و دوێەت مناڵ ماڵەگە ئەرا نووسینگەی تاوان کەڕادە کریا.
و دیاری کرد ک لەوەر نادیاری رووداوەگە، وە کوتپڕ تیمیگ دروس کریا، و گشت ریکارەیل لێکۆڵینەوەگە دووارەو کریا، تا رەسیا باوەڕیگ ک رووداوەگە تاوان بویە.
بەیاننامەگە وتیش؛ دویای مینەکردن بندروس کارەگە و گردەوکردن زانیارەیل لەو تاکەیل بنەماڵەگە، دەرکەفت ک شوی قوربانیەگە توومەتبارە، و ئاشکرای تاوان خوەی وە سزاننڵو کوشتن دوو قوربانیەگە کرد.
