دەسکریا یەکەمین ناڕەزایی جەماوەری لەبان گرانی لە باشوور عراق
2022-03-07T07:57:28+00:00
شەفەق نیوز/ لە پارێزگای موسەنا لە باشوور عراق، ئمڕوو دووشەممە، دەسکریا خوەینشاندان ناڕەزایی، ک خوەی یەکەمە لەبان گرانی بازاڕەیل گشت وڵاتەگە.
سەرچەوەگە ئەرا ئاژانس شەفەق نیوز وت: دەیان لە خەڵک قەزای خزر ری گشتی ناوبەین قەزاگە وەگەرد شار سەماوە بڕین، و داوا لە حکومەت کردن کۆنتڕۆڵ نرخەیلە بکەن و پاڵپشتیکردن زۊیگ ئەرا چین نەدار بکەن.
وتیش: دانشتگەیل لە شەوەکی زۊیەو خوەینشاندانەگە ڕێک خستن، لەبان گرانی نرخ خوەراک و ئەو زەرەدەیل ئابووریە ک رەسنە خەڵکەگە.
