خوەیکوشتن ژنیگ و کوشیان پیاییگ لە بەغداد
2024-08-13T11:40:20+00:00
شەفەق نیوز/ سەرچەوەیگ ئەمنی لە بەغداد، ئمڕوو سێشەممە، خەوەردا لە خوەیکوشتن ژنیگ، و کوشیان کەسیگ وە پەلاماریگ چەکدار، لە دوو رویداو جیاجیا لە دوو ناوچەی جیا خوەرهەڵات بەغداد.
سەرچەوەگە ئەرا ئاژانس شەفەق نیوز وت: ژنیگ لەداڵگبوی ساڵ 1995، وە پارچەی پەڕوو وەپەی لانکەی قەواسەی ماڵەگەی خوەی دادە سێدارە و خوەی کوشت، ئەوەیش لە قەتاع ٦ لە شار سەدر.
سەرچەوەگە دیاری کرد کە زانیارەیل سەرتایی باس کەن کە مدووەیل خوەیکوشتن ژنەگە لەبان ناکۆکی خیزانی بویە.
سەرچەوەگە وتیش: کابرایگ وە دەوانچە تەقە لە پیاییگ مەدەنی کرد لە ناوچەی حەی تارق خوەرهەڵات بەغداد، و وەکوتپڕ گیانی لەدەسدا.
وتیش: هیزیگ ئەمنی رەسیە شوین رویداوەگە، و بکوشەگە دەسگیر کرد.
