خوەیکوشتن خوەنەواریگ و زەخمداری کابرایگ لە مرافەیگ وەرد براگەی لە باشوور عراق

شەفەق نیوز/ سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا ک خوەنەواریگ خوەی داگە سێدارە و کابرایگ لە مرافەی چەکداریگ وەکەرد براگەی زەخمدار بوی.

سەرچەوەگە ئەرا ئاژانس شەفەق نیوز وت: خوەنەواریگ لە شەش ئامادەیی لە قەزای نەسر باکوور پارێزگای زیقار لەناو ماڵەگەی خوەی وە پەتیگ لەقەی پەنکەی ژوورەوەی خوەی داگە سێدارە، و دیاری کرد ک خوەنەوارەگە لە تەمەن ٢٠ ساڵانە.

خود سەرچەوەگە باس مرافەیگ خیزانی لەناوبەین دوو برا کرد تا رەسینە زەخمداری زگ یەکیگیان وە چەقو وەدەس براگەی تا بڕەسننەی خەسەخانە