خوەینشاندان ژنانە لەناوڕاس بەغداد ئەرا پشتگیریکردن ناڕەزایەیل ئیران.. وینە
شەفەق نیوز/ مەیدان فیردەوس لەناوڕاس بەغداد پایتەخت، خوەینشاندان ژنانە وەخوەی دی، ئەرا پشتگیریکردن لە ناڕەزاییەیل ئیران وئازادی ژن، و ئەرا شەرمەزارکردن حیجاب زوورکاری لە مەکتەوەیل عراق.
کامیرای ئاژانس شەفەق نیوز، توومار ئەو ژنەیل خوەینشاندەرە کرد هەنای تابلۆ وەزوان عەرەبی و ئینگلیزی هەڵگردنە، وە "پشتگیریکردن وەرد شۆرش ژنەیل ئیران دژوە حیجاب زوورکاری"، و "حیجاب زوورکاری پیشێککردنە لە ماف ژن ئەرا بڕیاردان چارەنویسی"، و "نە ئەرا چەسپانن حیجاب لەبان دویەتە خوەنەوارەیل لە مەکتەوەیل".
یەیش وەگەرد ئەوە تیەێد ک ناڕەزایەتی ئیران چوودە ناو دەهەم رووژی، لە پشت مردن مەهسا ئەمینی، دویای شکەنجەدانی لەلایەن پۆلیس ئەخلاق، چوینکە لەچگ لە سەری نەویە.
زیاتر لە پەنجا شار ئیرانی، تەهران پایتەخت و قوم و مەشهەدیش، پڕ لە خوەینشاندەرەیل جەماوەری بوین، ک کارەیل تونەڕەوی کەفتە وەریان، وەگەرد بڕین ئەنتەرنێت و هەڵمەت دەسگیرکردن هەڕەمەکی، تا کوتایی وەو خوەینشاندانە بارن ک بویە خاوەن پشتگیریکردن ناودەوڵەتی گەورەیگ.
