خوەینشاندان لەلایەن دەرچگەیل و جفتیارەیل لە پەنج پارێزگا.. وینە و ڤیدیۆ
بەغداد
وەگورەی پەیامنێر ئاژانس شەفەق نیوز، دەیان فەرمانبەر وەزارەت کارەبا لەوەردەم بینای وەزارەت لە ناوچەی مەنسوور لە بەغدای پایتەخت گردەو بوین.
پەیامنێرمان وت: "ناڕەزایەیل داوا کردن وەزیر کارەبا ئەو بڕوانامەیل باڵا توومار بکەێد کە لە مەوقەی دامەزرانن وەدەس هاوردنە".
یەکیگ لە ناڕەزایل ئەرا ئاژانس شەفەق نیوز وت: دەسەسگ هەس کە لە خوەینشاندەرەیل دروس کریاس و وەگەرد وەزیر کارەبا لە بارەگای وەزارەت گردەو بوین، بەڵام وەداخەو هویچ وەڵامیگ ئەرا داواکارییەیل نیریاس.
وتیش: "پێشنیاریگ پێشکەش وە وەزیر کردیمن تا بڕوانامەیلمان توومار بکریەێد و بخەێدەمانە بان وەزارەتەیل ترەک ئەگەر وەزارەت خزمەتگوزاری ئیمە نەخوازێد".
وەگەرد خوەینشاندان هەڵگرەیل بڕوانامەی پیشکەغتگ لەوەردەم ئەنجومەن خزمەتگوزاری فیدراڵی لە بەغدای پایتەخت وەڕیەو چگ و داوای دامەزراننیان کردن.
نەجەف
لەی پارێزگا خوەینشاندان لەلایەن جفتیارەیل فورات ناوڕاس لە جواڕیان غەماس دەسوەپی کرد و داواکریا حکومەت قەرەبوویان بکەێد تا کۆتا وەرز کە وەمدوو کەمی ئاو ریگری لە کشتوکاڵکردنیان کریا.
دیوانیە
لەو چوارچیوە دەرچگەیل خوەنەواری لە دیوانیە لەوەردەم ئەنجومەن پارێزگا خوەینشاندان ئەنجامدان و داوا کردن لە گرێبەسەیل دویرەو بخریەن، وە قسەی پەیامنێر ئاژانس شەفەق نیوز.
میسان
بیجگە لەوەیش دەرچگەیل میسان خوەینشاندان تویڕەیگ لە وەردەم بینای قایمقامیەت رێک خستن، کە وەردەوەردە کەفتە گەرد هیزەیل دژە ئاژاوە کە کار ئەرا شیوانن خوەینشاندانەگە کردن.
دیالە
لە دیالە، دەیان دەرچگ لە وەردەم بینای حکومەت ناوخوەیی لە سەنتەر شار بەعقوبە خوەینشاندان ئەنجامدام و داوای دامەزراننیان لە ناو ربکارەیل ئەمنی تون کردن.
پەیامنێر ئاژانس شەفەق نیوز وتیش: ناڕەزایەیل تەقەلا دانە ری قەزاگە تا ماوەی چەن خولەکیک بوەسن و ئیجا لەلایەن هیزەیل ئەمنی واز کریا، وتیش: داواکاری خوەینشاندەرەیل دریا دەس لایەنە پەیوەندیدارەیل ئەرا جیوەجیکردن ریکارەیلیان .
