خانەقین یەکەمە.. 12 شار عراقی لەناو لیست گەرمترین شارەیل جەهان

وێستگەی پلاسەرڤیل لە ویلایەت کالیفۆرنیای ئەمریکا خشتەی 15 ناوچە و شار جەهانی بڵاو کردیە کە لە ماوەی 24 ساعەت گوزەشتە، بەرزترین پلەی گەرمی لە جەهان توومار کردنە.

 لە خشتەگە هاتیە کە ناوچەی "خانەقین" لە عراق بەرزترین پلەی گەرمی لە جەهان توومار کردیە کە 52.5 پلەی سیلیزی بویە، لە دویای ئەویش ناوچەی "بەسرە الحسێن" لە عراق وە 51.4 پلەی سیلیزی، و لە دویای ئەویش شار "کەرکوک" تیەێد وە 50.6 پلەی سەدی، ئیجا ناوچەی "ئەگادیر"، لە مەغریب چوارەمە، وە 50.4 پلەی سەدی، ئیجا "عمادیە" لە ئیران لە پلەی پێنجەم، وە 50.4 پلەی سەدی.

وەگورەی خشتەگه ، ناوچەی “ئەگادیر ئەلمەسیره” له مەغریب هاتە پلەی شەشەم وە 52.2 پلەی سیلیزی، له دویای ئەویش “ناسریه” له عراق وە 50.2 پلەی سیلیزی، ئیجا دوزخورماتوو له پلەی هەشتەم وە 50.2 پلەی سەدی، و شار نەجەف عراق کەفتە پلەی نۆهوم وە 50 پلەی سەدی، ناوچەی "عەمارە" لە عراق کەفتە پلەی دەهەم وە 50 پلەی سەدی.

ناوچەی بەدرە لە عراق  پلەی 11 بویە بەشی وە 50 پلەی سەدی، ئیجا ناوچەی رفاعی لە عراق لەپلەی 12 وە 50 پلەی سەدی، هەرلیوا ناوچەی سەماوە لە عراق لە پلەی 13 وە 49.6 پلەی سەدی، دویای ئەویش "فڕۆکەخانەی ناودەوڵەتی بەغدا" لە بەغدای پایتەخت لە پلەی 14  وە 49.5 پلە بویە، لە شوینی شار "دیوانیە" لە عراق، لە دوایین پلە وە 49.5 پلەی سەدی.

 ئاژانس شەفەق نیوز خشتەی بەرزترین پلەی گەرما لە گشت جەهان بڵاو کەێد