خاسەوکردن ١٥ تاوەر کارەبایی کەفتنە وەر خراوکردن لە ئەنبار
2021-01-22T09:04:17+00:00
شەفەق نیوز/ ئەحمەد دلێمی قایمقام قەزای قائیم لە پارێزگای ئەنبار، ئمڕوو جمعە، راگەیان خاسەوکردن ١٥ تاوەر وزەی کارەبایی ک کەفتنە وەر خراوکردن.
دلێمی ئەرا ئاژانس شەفەق نیوز وت: کادرە ئەندازیارییەگان توێنستن ١٥ تاوەر کارەبایی خاسەو بکەن ک لەوەر کارەیل خراوکردن زەرددار بوین و هیشت وزەی کارەبا وە نیمچە تەواوەتییگ لە ژمارەیگ لە ناوچە خوەرائاواییەگان بووڕیەێد.
و دیاری کرد ک تاوەرەگان کەفتنە وەر خراوکردن نەگ کارەیل تیرۆری، و ئی کارەیلە ١٩ تاوەر لە ناوچەیل ناونی قەزای قائیم و قەزای عانە خستن.
دلێمی دیاری کرد ک کادرەیل سەروە وەزارت کارەبا کار لە خاسەوکردن گشت تاوەرە ویرانکریایەگان کەن، و کارەگە لە خاسەوکردن ئەواکانیان وەردەوامە، و چەوەڕیکریاگە لە رووژەیل ئایندە تەواو بوون.
لە خود وەختەگە هەمیش دووپات کرد ک هیمان خەڵک قائیم زیان لە بڕین تەواوەتی لە کارەبا لە ماوەی یەک مانگە وەخوەیان دوینن، ک هیشت نرخەیل موەلدە تایبەتەگان بەرزەو بوود، و ئی کارە بار هاووڵاتییەگان لەو ناوچەیلە سەنگینەو کرد.
