حەشد شەعبی ئۆپراسیۆن بەغداد ئەرا خوەی دروس کەێد
شەفەق نیوز/ سەرکردەیگ لە حەشد شەعبی، ئمڕوو یەکشەممە، ئاشکرای ئەرک ئۆپراسیۆنەگان بەغداد سەروە حەشد کرد، ک وەی نووە وەفەرمان فالح فەیاز وەرپرس دەزگاگە دروس کریاگە.
موعین کازمی سەرکردە لە حەشد شەعبی ئەرا ئاژانس شەفەق نیوز وت: دەزگای حەشد ٣٠ لیوا هاناوی، وگرنگیەگە بەش کریاسە بان فەرماندەیل ئۆپراسیۆنەگان لە جووراجور پارێزگایل عراق جوور ئۆپراسیۆنەگان دیالە و فوڕات ناوڕاس و باشوور، و ئیسە ئی گرنگیە کەفتە لای ئۆپراسیۆنەیلیگ تایبەت لە بەغداد پایتەخت.
کازمی دیاریکرد ک ئی ئۆپراسیۆنەیلە ئەوەسا لیوایلیگ لە حەشد شەعبی گرێدە خوەی، و مقەیەتی بەغداد پایتەخت بوودە ئەرکی، لە یەک ژوور ئۆپراسیۆن کارکەن، لیوا تایبەتەگان لە بەغداد جوولنن، و مقەیەتی بەغداد لە ناو و لەدەیشتەو ئەرک فەرماندەی ئۆپراسیۆنەگان بەغدادە لە حەشد شەعبی.
دەزگای حەشد شەعبی بڕیاریگ وە داناین حسێن عەبدولعەباس هلەییل جوور فەرماندە ئەرا ئۆپراسیۆنەگانی لە بەغداد دەرکرد.
