"جومعەی ئایندە".. دەسکریەێد وە غەرامەکردن هاتوچو لەڕی کامیرەیل چەودێری و رادارەیل خێرایی

وەڕێوەبەرایەتی هاتوچوی لە بەیاننامەی شمارە  (1) ساڵ 2024، رەسیە ئاژانس شەفەق نیوز وت؛ " بڕیاڕە دەسبکرێد وە توومارکردن سەرپیچیەیل هاتوچوی کە لە دەق یاسای هاتوچوی شمارە 8 ساڵ 2019 هاتیە و لە بروار 2024/3/15 دەسکرێ وە توومارکردن غەرامەیل هاتوچوی لەری کامیرە زیرەکەیل چەودێری  و رادارەیل خێرایی کە لەبان ریگەیل خێرای ناودەوڵەتی دانریانە.

وەڕێوەبەرایەتی گشتی هاتوچوی داوا لە هاوڵاتیەیل کەێد وە زویترین وەخت ناویان تووماربکەن لە پلاتفۆرم ئەلکترۆنی ئور تا سەرپیچیەیل هاتوچوی لەری کولەنامەیگ ئەرا سەرپیچیکەرەیل بنارێد ئەرا مسۆگەربوین غەرامەگەی نەکرێد وە دوو ئەوەنە.

وتیش، بڕیارەگە وەپای بڕگەیل مادەی  (47/دویەم/ز) لەیاسای  هاتوچو شمارە 8 ساڵ 2019 هاتیە.