کامیرای گەریدەی وەناوبانگ ئەمریکی برادفۆرد واشبورن پەیاکریا لەساڵ 1937 وەجی هیشتیە
شەفەق نیوز/ کامیرا و کەلپەل گەریدە و فۆتۆگرافەر وە ناوبانگ ئەمریکی برادفۆرد واشبورن لە کەنەدا پەیاکریا ک لە ساڵ 1937 لەبان یەخبەنیگ لە خاک یوکۆن ک هاوسنوورە وەرد ویلایەت ئەلاسکای ئەمریکا وەجی هیشتیە.
وەپای خەوریگ لە ماڵپەر" lbcgroup.tv"، دەسەی "پارکس کەنەدا"لە پۆستیگ لە توور کۆمەڵایەتی فەیسبوک راگەیانیە، تیمەیگ وەرزشوان وە لایەن کۆمپانیای تیتۆن گراڤیتی ریسێرچ وە کرای گیریانە، ک تایبەتە وە بەرهەمهاوردن ڤیدیۆی وەرزشی، چگنەس ئەرا پارکەگەی کلۆن لە ویلایەت یوکۆن وە ئەرکیگ ئەرا پەیاکردن ئەو شوین نهێنی برادفۆرد واشبورن کامیراو ئامیرەیل چگنەبانی لەلی شاردیەسەو.
کۆمپانیای "تێتۆن گراڤیتی ڕیسێرش" لە تووڕ کۆمەڵایەتی فەیسبووک ئاشکەرایکردیە، "ئی شوینە نهێنییە لە ساڵ ١٩٣٧ وە لەناو یەخ دانریایە، هەمیش سێ کامێرای مێژوویی گرێدە خوەی ک وینەی ئەو کویەیلە گیریایە ک لە 85 ساڵ وەرجە ئیسە چوین بوینە".
کامیرا و کەلپەلەیل ئی چوودەو ئەرا گەشتیگ ک واشبێر ن لە ساڵ 1937 وەگەرد سێ شاخەوانتر ئەنجامیدایە لە تەقەڵاداین رەسین وە لوتکەی کویەی لوکانیا ک بەرزیەگەی 5226 مەترە و سێیەم بەرزترین لوتکە کویە لە کەنەدا و لەو وەختە بەرزترین بویە لە ئەمریکا.
لەوەخت داوەزینیان لە کویەگە هەنای تویش بارودۆخ سەختیگ بوین ناچار بوینە ئامێرەیلیان کەمەوبکەن تا بارەیلیان سوکەو بوود لە دویاجار دەس لە کامیرە ئامێرەیل چگنەبانیان هەڵگرن.
وەپای ئاژانس فرانس پرێس، واشبورن، شاخەوان و فۆتۆگرافەر و نەخشەساز، وەڕێەوبەر مۆزەخانەی زانستی بۆستن بویە، ک لە ویلایەت ماساشوستس لە ئەمریکا دامەزرانیە و لە ساڵ ٢٠٠٧ کووچ دویایی کردیە.
