جیگربوین نرخ دۆلار لە بەغداد و بەرزەوبوینی لە هەولێر
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت جیگر بوی، و لە هەرێم کوردستان بەرزەو بوی.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی، لە بۆرسەی کیفاح و حارسیە لە بەغداد پایتەخت، شەوەکی ئمڕوو رەسیە ١٤٨٤٠٠ دینار عراقی وەرانوەر ١٠٠ دۆلار ئەمریکی.
هەر خود نرخە ک تووژ پەنجشەممەی گوزەشتە توومار کریا.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٨٧٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٧٥٠ دینار عراقی.
لە هەولێر پایتەخت هەرێم کوردستان، بۆرسە لە رووژەیل پشوو فەرمی کار نیەکەێد، باوجی نرخ فرووشتن ١٠٠ دۆلار ئەمریکی لە دوکانەیل ئاڵشتکردن رەسیە ١٤٨٥٥٠ دینار عراقی، و نرخ سەنینی رەسیە ١٤٨٤٧٥ دینار عراقی.
