جیگیربوین نرخ تەڵا لە بازاڕەیل بەغدا و هەولێر

شەفەق نیوز/ نرخ تەڵای بیگانە و عراقی لە بازاڕە ناوخۆیەیل بەغداد پایتەخت، ئمڕوو یەکشەممە 30ی تەشرین یەکەم2022، و  لە هەولێر پایتەخت هەرێم کوردستان جیگیر بوی.

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 334 دینار، و نرخ سەنینی رەسیە 330 هەزار دینار.

پەیامنێر ئاژانسمان وتیش: نرخ فرووشتن یەک مسقاڵ عەیار 21 تەڵای عراقی جیگیربوین توومار کرد لەپای 304 هەزار دینار، و نرخ سەنینی رەسیە 300 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 ها ناونی 335 هەزار دینار و 345 هەزار دینار، و نرخ فرووشتن یەک مسقاڵ تەڵای عراقی ها ناونی 305 هەزار دینار و 315 هەزار دینار.

نرخ تەڵا لە هەولێر پایتەخت هەرێم کوردستان، جیگیربوین وەخوەی دی، ک نرخ فرووشتن یەک مسقاڵ تەڵای 24 رەسیە 390 هەزار دینار، و عەیار 21 رەسیە 350 هەزار دینار، و نرخ یەک مسقاڵ عەیار 18 رەسیە 295 هەزار دینار.