ته‌ندروسی جەهانی: له‌یه‌ک هه‌فته شمارەی تۊیشبۊین كۆرۆنا ١٧ ملیۆن و ٥٠٠ هه‌زار رەدکرد
شەفەق نیوز/ رێكخریاگ ته‌ندروسی جەهانی راگەیان، ته‌نیا له‌یه‌ک هه‌فته شمارەی تۊشبۊن وه ڤایرۆس كۆرۆنا 17 ملیۆن و 500 هه‌زار كەس رەدکردیە و زیاتر 317 هه‌زار كه‌سیش لەوەر پەتاگە مردنە. ئه‌حمه‌د مه‌نده‌ری، وه‌رپرس هه‌رێم رێكخریاگ ته‌ندروسی جەهانی له رۆژهه‌ڵات ناوه‌ڕاس راگەیان، له 8 ئی مانگه تا 13 ئی مانگە شمارەی تۊشبۊن وه ڤایرۆس كۆرۆنا 17 ملیۆن و 500 هه‌زار كەس رەدکردیە و 317 هه‌زار كه‌سیش وە ئەو پەتا گیان لەدەسدانە.
وتیش،"داتای تۊشبۊیەیل و مردن وەكۆرۆنا دەرخێد ک شمارەی تۊشبۊن وه كۆرۆنا 89% به‌رزەوبۊین وەخوەی دییە، ئاماره‌یل مردنيش ئەرا 13% كه‌م بۊینە. ئاشکەرایکرد:"به‌رزبۊین شمارەی تۊشبۊیەیل كۆرۆنا مه‌ترسی بڵاوبۊن ڤایرۆس ئۆمیكرۆن زیاتر کەێد".
دیاریکرد،"لەجەم 22 ده‌وڵه‌ت ناوچه‌گه 15 ده‌وڵه‌ت تۊشبۊن و بڵاوبۊن ڤایرۆس ئۆمیكرۆن راگەیاننە. وتیش، چەوەڕی کریەێد له ماوه‌ی نزیكیگ وڵاتەیلتر بڵاوبۊن ئه‌و ڤایرۆسه رابگەینن.
باسی لەوەیشكرد، ئه‌و 15ده‌وڵه‌تە ک ئۆمیكرۆن لەناوی بڵاوبۊیە، ته‌نیا تۊەنن 40% دانیشتوانەیلیان وه ڤاكسینه كۆرۆنا مقەیەتی بکەن و فرەیی خوازین لەبان ڤاكسینه‌یلە مه‌ترسیەیل فرەیگ وەدۊیای خوەی تیارێد.
