تەندروسی نەجەف: جی تووشهاتنەیل کۆڕۆنا لەناو خەسەخانەیل نەما
شەفەق نیوز/ دکتۆر رەزوان کندی وەڕێۆبەر گشتی تەندروسی نەجەف، ئمڕوو چوارشەممە، دووپات کرد ک خەسەخانەیل پارێزگاگە جی ئەرا وەرگردن تووشهاتنەیل ڤایڕۆس کۆڕۆنا لەناویان نەما.
کندی لە بەیاننامەیگ رەسیە ئاژانس شەفەق نیوز وت: ژمارەی تووشهاتنەکان فرە فرەس و بەش گەورەیگ لەلیان مەترسییان بەرزە، و فریاکەفتن خەسەخانەیل و خەسەخانەی شەهید حەسەن حاتمی تایبەت وەبیماریەیل پەتا دی بەس تووشهاتنەیل نێکەن.
وتیش؛ کەرەنتین ماڵی فرە هەس، ک ئەوە نشان دەێد ک ڤایرۆسەگە سەختە و وەزوی بڵاو بوود، و داوای پابەندی وە ریکارە تەندروسیەکان و مقەیەتیەکان کرد.
دەربارەی وەرگردن واکسینەگە، کندی نشان دا ک واکسینەگە هەس و وەپەتیە، و لە سێ شوین تەندروسی دابەش کریەێد.
وتیش؛ وەرگردن واکسینەگە لە سەختی تووشهاتنەیل کەمەو کەێد و نوای مردنەیل گرێد، و گشت گەلەیل جهان پێشکەفتگ واکسینەیلە وەرگردن و ئەرا ژیان سرووشتی خوەیان گلەوخواردن.
