تەندروسی عراق رەوانگەی ١٠ واکسین دژوە کۆڕۆنا کەێد شایەت لە سەرەتای ساڵ ئایندە دابین بکریەێد
2020-11-09T06:47:55+00:00
شەفەق نیوز/ وەزارەت تەندروسی عراق، ئمڕوو دووشەممە، ١٠ واکسین دژوە ڤایڕۆس کۆڕۆنا رەوانگە کرد، و پێشبینی کرد لە وەرز یەکەم لە ساڵ ئایندە بکەفێدە رووشنایی.
ریاز عەبدولئەمیر حلفی وەڕێۆبەر تەندروسی گشتی لە وەزارەتەگە ئەرا میدیایل راگەیانن حکومەتی وت: ١٩ واکسین هەس لە قۆناغەیل تاقیکردنەوە دویاییەنەگان، وهیمان پێشبڕکیەگە وەردەوامە ئەرا دابینکردن گونجیاگتریان، و پێشبینی کرد لە وەرز یەکەم لە ساڵ ئایندەی ٢٠٢١ دابین بکریەێد.
حلفی ئاماژە کرد ک هیچ نیازیگ نیە لە مەرەقەزکردن واکسینیگ لە کۆتایی ئی ساڵە، و دیاریکرد ک ڤایڕۆس کۆڕۆنا لە زمسان زیایەو بوود چوونکە ڤایرۆسەگان خوەشیان لەوە تیەێد و ئەرا چالاکییان گونجیەێد.
وتیش: خاسەوبوینەگان لەماوەیل دویایین لە ٨٥ لەسەد رەدکردن وەو پڕۆتوکۆلەیل چارەسەریە ک ئەنجام دریەن، و هەمیش وەرگریەگە لەلای بەشیگ لە تووشهاتنەگان خاسەوبوی، و بەشیگ لە تووشهاتنەگان هەس ک شایەت سووک بوود و کاریگەریەگانی ئاشکرا نەوود، ک لەناو ماڵەو چارەسەری کریەن، و دویای ١٠ رووژ خاسەو بوون.
حلفی بانگواز ئەرا گرنگی پابەندبوین کرد وە ریکارە مقەیەتیەگان و وەکارهاوردن دەمامەک و دویرەوکەفتن کۆمەڵایەتی وە گەرد وەکارهاوردن پاککەرەوەگان دژوە ڤایرۆسەگە لەرخ بڵاوبوین پەتاگە وەتایبەت لە وەرز زمسان، ک تا ئیسە ژمارەی مردنەگان لە ١١ هەزار رەد کرد لەوەر پابەند نەوین هاووڵاتییەگان وە ریکارەگان.
ریاز عەبدولئەمیر حلفی وەڕێۆبەر تەندروسی گشتی لە وەزارەتەگە ئەرا میدیایل راگەیانن حکومەتی وت: ١٩ واکسین هەس لە قۆناغەیل تاقیکردنەوە دویاییەنەگان، وهیمان پێشبڕکیەگە وەردەوامە ئەرا دابینکردن گونجیاگتریان، و پێشبینی کرد لە وەرز یەکەم لە ساڵ ئایندەی ٢٠٢١ دابین بکریەێد.
حلفی ئاماژە کرد ک هیچ نیازیگ نیە لە مەرەقەزکردن واکسینیگ لە کۆتایی ئی ساڵە، و دیاریکرد ک ڤایڕۆس کۆڕۆنا لە زمسان زیایەو بوود چوونکە ڤایرۆسەگان خوەشیان لەوە تیەێد و ئەرا چالاکییان گونجیەێد.
وتیش: خاسەوبوینەگان لەماوەیل دویایین لە ٨٥ لەسەد رەدکردن وەو پڕۆتوکۆلەیل چارەسەریە ک ئەنجام دریەن، و هەمیش وەرگریەگە لەلای بەشیگ لە تووشهاتنەگان خاسەوبوی، و بەشیگ لە تووشهاتنەگان هەس ک شایەت سووک بوود و کاریگەریەگانی ئاشکرا نەوود، ک لەناو ماڵەو چارەسەری کریەن، و دویای ١٠ رووژ خاسەو بوون.
حلفی بانگواز ئەرا گرنگی پابەندبوین کرد وە ریکارە مقەیەتیەگان و وەکارهاوردن دەمامەک و دویرەوکەفتن کۆمەڵایەتی وە گەرد وەکارهاوردن پاککەرەوەگان دژوە ڤایرۆسەگە لەرخ بڵاوبوین پەتاگە وەتایبەت لە وەرز زمسان، ک تا ئیسە ژمارەی مردنەگان لە ١١ هەزار رەد کرد لەوەر پابەند نەوین هاووڵاتییەگان وە ریکارەگان.
