تەندروسی عراق دووپات لە وەرگردن ١٦ مەلیۆن تاقەبەش لە واکسین کۆڕۆنا لە ماوەی چەن رووژیگ کەێد
شەفەق نیوز/ وەزارت تەندروسی وژینگەی عراق، ئمڕوو جمعە، دووپات کرد ک ١٦ مەلیۆن تاقەبەش لە واکسین دژوە ڤایڕۆس کۆڕۆنا ئەوەسا لە ماوەی چەن رووژ ئایندە رەسێدە عراق، وهەمیش هووشداری لە بڵاوکردن زانیاریەیلیگ کرد رای گشتی لەباوەت پەتاگە گوما بکەن.
سەیف بەدر قسەکەر وەناو وەزارەتەگە لە بەیاننامەیگ رەسیە ئاژانس شەفەق نیوز وت: وەزارەت تەندروسی گریەبەسی لەبان ١٦ مەلیۆن تاقەبەش لە واکسینەیل کۆڕۆنا ئەنجام داگە، و دووپات کرد ک عراق لە ری کەناڵە فەرمیەکان ١٦٩ مەلیۆن دۆلار ئەرا سەنین واکسینەگە داگەسە کۆمپانیای کوفاکس.
وتیش؛ عراق وەگەرد کۆمپانیای فایزەر بایونتک گریەبەسیەگە واژوو کرد، و چەوەڕی واژووکردن پەرلەمان لەبان ئی رێککەفتنە و ووردەکاریە یاساییەکانی کەێد، و ئاماژە کرد ک عراق وەگەرد کۆمپانیای سینۆفارم چینی رێککەفتگە، و ئەوەسا وەی نزیکە لە دویای تەواوکردن ریکارەکان واکسینەگە رەسێد.
بەدر دووپات کرد ک وەزارەت تەندروسی ئەوەسا وەگەرد کۆمپانیایلیگ تر ک واکسینەکان لەلایان هالە تاقیکردنەوەی گونجاننی لەلایەن دەزگا زانستیەکان رێک کەفێد، وتیش؛ وەزارەتەگە پابەندە وە دابەشکردن واکسینەگە ئەرا گشت چینە ئامانجکریایەکان.
